100% Made in Schifflange! Alles frësch prépareiert no traditionell bewäerter Handwierkskonscht ...

​

Liewensmëttel sinn eng Saach vu Vertrauen. Bei ärem Metzlermeeschter PAUL HAAG, steet frëscht Fleesch vu beschter Qualitéit am Zentrum vun eise Beméiungen. Mir bezéien eist Fleesch exklusiv vu Lëtzebuerger Betriber déi d' Déier op kuerzem Wee an déi national Schluechthaiser (Ettelbréck, Wecker) liwwere wou et mat Respekt an ënner strengsten hygieneschen a mënschleche Krittäre geschluecht gëtt. D' Fleesch vun der Marque Nationale gëtt duerno mat Kompetenz a Qualitéit vum Metzlermeeschter a senger jonker Ekipp verschafft. Eis Produit'en si gläichermoosse frësch, zaart an aromatesch.

All eis Wuer ass hausgemaach, a modernste Kichen an am gréisste Respekt vun der traditioneller Handwierkskonscht an Hygièneskrittäre preparéiert an de Patron ass selwer an d'Veraarbechtung implizéiert.

Och fir Clientë mat Allergien, fannt dir bei der Metzlerei PAUL HAAG eng Gamme vun Artikelen ouni Gluten oder Glutamat.

D' Metzlerei HAAG huet sech e Numm mat sengem Gehacktes, sengen Träipen, der Lyoner oder nach der Mettwurscht an dem Pâté gemaach.